Partneriaeth Gref
Safonau Meincnodau cenedlaethol
Rhannu Ymarfer Da
Rydym yn cydweithio i gynyddu cyfleoedd i rannu arfer da, cefnogi ein cyfoedion fel ffrindiau beirniadol, datblygu adnoddau a rennir a chynyddu ein gwybodaeth.
- Rydym yn gweithio gyda’n gilydd ar gyfer:
- Mwy o gapasiti yn y gweithlu, i ddiwallu anghenion y boblogaeth
- Gwell sgiliau a galluoedd yn y gweithlu
- Mwy o ddefnydd o fewnwelediadau rheoleiddio i lywio datblygiad y gweithlu
- Gwell statws gofal cymdeithasol, gwaith cymdeithasol a blynyddoedd cynnar
safonau
Adolygiad o Safonau Galwedigaethol Cenedlaethol (NOS) 2024/5
Mae gwaith yn cael ei wneud ledled y DU i adolygu’r Safonau Galwedigaethol Cenedlaethol (NOS) ar gyfer Iechyd a Gofal Cymdeithasol a Gofal, Dysgu a Datblygiad Plant.
Beth yw NOS a pham eu bod yn bwysig?
Mae NOS yn disgrifio’r wybodaeth, y sgiliau a’r ddealltwriaeth sydd eu hangen i wneud swydd benodol i lefel cymhwysedd a gydnabyddir yn genedlaethol.
Mae NOS yn sail i gymwysterau a rhaglenni hyfforddi sydd eu hangen i weithio yn y gwasanaethau cymdeithasol. Dyna pam ei bod yn bwysig adolygu’r Safonau Galwedigaethol Cenedlaethol i wneud yn siŵr eu bod yn gyfredol ac yn adlewyrchu’r sgiliau a’r wybodaeth sydd eu hangen mewn rolau gwahanol.
Beth fydd yr Adolygiad yn ei gynnwys?
Bydd yr adolygiad yn cynnwys asesu tystiolaeth ar y gofynion sgiliau a gwybodaeth ar gyfer gwahanol rolau, a nodi’r hyn sydd angen ei ddiweddaru yn yr NOS. Gwneir hyn drwy ymgysylltu â’r sector ledled y DU i ganfod beth sy’n bwysig. Bydd ymgynghoriad ffurfiol yn yr haf cyn i’r NOS terfynol gael eu cadarnhau ym mis Rhagfyr 2025.
Beth ydym ni wedi ei gyflawni hyd yn hyn?
Dechreuom drwy nodi’r Safonau Galwedigaethol Cenedlaethol a ddefnyddir amlaf, gan amlygu bylchau yn y safonau, ac yna alinio’r NOS ar draws gwasanaethau oedolion a phlant. Ymgymerwyd â gwaith ymgysylltu gwerthfawr gyda’r sector i gasglu tystiolaeth i lywio’r adolygiad, ac mae’r tîm wedi bod yn brysur yn drafftio a mireinio’r NOS wedi’u diweddaru.
Hyd yn hyn, mae 80% o’r Safonau Galwedigaethol Cenedlaethol wedi’u hadolygu, gyda’r swp olaf, gan gynnwys pedair safon newydd ar sgiliau arweinyddiaeth a digidol, yn cael eu cwblhau ar hyn o bryd. Gyda mewnbwn cryf gan y sector a ffocws ar symleiddio, bydd y set derfynol yn cynnwys tua 160 o Safonau Galwedigaethol Cenedlaethol, gan wneud y fframwaith yn fwy penodol a pherthnasol. Bydd adborth gan y sector hefyd yn llywio cynnwys yr ymgynghoriad yr haf hwn.
Cymerwch ran
Bydd ymgynghoriad cyhoeddus rhwng 4 Awst a 19 Medi 2025. I gael gwybod mwy am weithgarwch ymgysylltu cyfredol NOS ym mhob un o wledydd y DU, gweler y wybodaeth isod:
- Skills for Care, England: Os hoffech gymryd rhan neu os hoffech ragor o wybodaeth, cysylltwch â nwdcs@skillsforcare.org.uk
- Northern Ireland Social Services Council: Os hoffech gymryd rhan neu os hoffech ragor o wybodaeth, cysylltwch â mervyn.bothwell@niscc.hscni.net or sharon.foster@niscc.hscni.net
- Scottish Social Services Council: Os hoffech gymryd rhan neu os hoffech ragor o wybodaeth, cysylltwch â nosreview2025@sssc.uk.com
- Social Care Wales: Os hoffech gymryd rhan neu os hoffech ragor o wybodaeth, cysylltwch â qualsandstandards@socialcare.wales
Mae partneriaid Sgiliau Gofal a Datblygu yn cydymffurfio ag egwyddorion cyffredin ar gyfer dysgu a chymwysterau yn y sector gofal ledled y DU. Mae’r egwyddorion yn dangos sut y mae gweithio fel partneriaeth yn gwella gwaith partneriaid Sgiliau Gofal a Datblygu.
Ar gyfer egwyddorion a dulliau gweithredu cytunedig yn ymwneud ag asesu mewn cymwysterau
Mae Gofal yn un o’r meysydd cyflogaeth sy’n tyfu gyflymaf yn y DU wrth i’r galw am ein gwasanaethau gynyddu. Mae mwy o gyfleoedd gwych ym maes gofal nawr nag erioed o’r blaen. Os ydych eisiau canfod a allai swydd mewn gofal cymdeithasol fod yn addas i chi darllenwch Gofal yn Galw: Gyrfa i chi?
Economic and social value of the UK adult social care sector: UK
Comisiynodd Sgiliau Gofal a Datblygu Alma Economics i ddadansoddi gwerth economaidd a chymdeithasol y sector gofal cymdeithasol i oedolion yn y DU gyfan ac ym mhob un o’r pedair gwlad gan ddefnyddio data o 2022/23.
Fe’i defnyddir i lywio’r achos economaidd dros fuddsoddi yn y sector gofal cymdeithasol a’i weithlu yn y DU gyfan (yn ogystal â chael dadansoddiadau cenedlaethol). Mae hefyd yn cael ei ddefnyddio i lywio penderfyniadau gwneud polisïau ac adolygiadau gwariant cenedlaethol ar fuddsoddiad.
Cyfanswm gwerth uniongyrchol, anuniongyrchol ac ysgogedig y sector gofal cymdeithasol oedolion yn y DU oedd £71.2 biliwn.
£330 biliwn oedd buddion economaidd-gymdeithasol y sector gofal cymdeithasol i oedolion yn y DU, a £140 biliwn oedd y costau (2023). Mae hyn yn golygu am bob £1 a wariwyd yn y sector, roedd £2.40 mewn buddion economaidd-gymdeithasol.
Mae adroddiad llawn y DU, adroddiad cryno a ffeithlun sy’n rhoi cynrychiolaeth weledol o werth economaidd y sector gofal cymdeithasol ar gael isod:
Mae adroddiadau ar wahân wedi’u cyhoeddi hefyd ar gyfer Cymru, Lloegr, Alban, a Gogledd Iwerddon.
Gallwch hefyd ddod o hyd i wefannau Data Gweithlu pob gwlad isod:
- Scottish Social Services Council
- Social Care Wales
- Skills for Care
- Social Work England
- Northern Ireland Social Care Council